Гимн школы
Словы і музыка Міхнавец Л.У
У цэнтры аграгарадка
Ёсць слаўны храм навукі.
Сюды нядаўна прывялі
Матулі нас за рукі.
І стала крэпасцю для ўсіх,
Надзейным тылам школа –
Тут добра весела заўжды
І шмат сяброў наўкола.
Наша школа – дом для нас другі,
Светлы, чысты, сэрцу дарагі.
Усе адзінай мы жывём сям’ёй,
Ганарымся, школа, мы табой.
Умовы ў школе ёсць усе,
Каб мы маглі вучыцца
І намі будзе Беларусь
З гадамі ганарыцца.
Бо аднадумцы і сябры –
Настаўнікі і дзеці,
А школа Краснадворская –
Найлепшая ў свеце!
Наша школа – дом для нас другі,
Светлы, чысты, сэрцу дарагі.
Усе адзінай мы жывём сям’ёй,
Ганарымся, школа, мы табой.
